Nadugangan sang mga medalya ang Negros Occidental sa nagapadayon nga Western Visayas Regional Athletic Association (WVRAA) Meet 2023 sa probinsya sang Aklan subong nga adlaw.
As of 1:00 pm, ang Negros Occidental ang may yara na sang lima ka gold, 13 ka silver, duha ka bronze kag sa kabug-usan, may yara na sang 20 ka mga medalya santo sa medal tally.
Kaina, nakakuha si Micaela Antoinette E. Manoloto sang bulawan sa Girls Secondary Archery Competition kaina samtang ang isa ka gold medal ang nagikan kay Rhen Gimarangan sa Para Games Athletics – Standing Long Jump (Girls – Totally Blind Category).
Ang lima ka silver medals nga nagdugang sa probinsya subong nga adlaw ang lunsay nga nagikan man sa Para Games Athletics – Standing Long Jump.
Ang mga players nga nakakuha sang silver medals amu sanday Andrie Salgado sa Boys – Totally Blind Category; Allyn V. Pacino sa Girls – Low Vision Category; Randel M. Aventura sa Boys – Low Vision Category; Kessa Nicole Coronado sa Girls – Partially Blind Category; kag Renz Gabriel Fernandez sa Boys – Partially Blind Category.
Sa interview sang Bombo Radyo kay Rodito Badian, tournament director sang Softball Elementary and Secondary sa WVRAA 2023 paagi kay Bombo Correspondent Antonio Oquindo, nalutos sang Negros Occidental ang Iloilo sa score nga 10-0 sa elimination round kaina sang aga.
Suno kay Badian, ang representative sang Negros Occidental sa nasambit nga kategorya ang nagikan sa Education & Training Center School (ETCS) sa idalum sang pagpamuno ni Coach Luzviminda nga nagchampion sa Little League Philippines sa Ilagan, Isabela sang damlag lang.
Suno sa iya, kalabanan sa mga players ang yara sa Grade 5 tubtob Grade 6 kag naga-edad sang manubo sa 12-anyos.
Suno diri, bangud sa tuman kainit sang panahon, alas 7:00 sang aga sila nagasugod sang Game kag nagatapos alas 11:00 sang aga.
Pagkahapon, ini ang nagasugod alas 2:00 sang hapon kag magatapos alas 6:00 sang gab-i.
Wala naman sang problema sa tubig, pagkaon kag pasilungan sa venue.
