Nagapanguna ang probinsya sang Negros Occidental sa Western Visayas sa may pinakamadamo nga nagkaladakpan sa paglapas sa nagapadayon nga pagpatuman sang COMELEC Gun ban.
Sa interview sang Bombo Radyo Bacolod kay Police Lt. Col. Arnel Solis, ang Police Regional Office sa Western Visayas ang nakadakop sang 64 ka mga indibidwal sa paglapas sa election gun ban as of alas 6:00 ang takna sang aga, February 26.
Suno kay Solis, nagapanguna diri ang NOCPPO nga may 17; Aklan nga may tatlo, Antique isa, Capiz 10, Guimaras tatlo, Iloilo City, lima kag may yara sang duha nga nadakpan ang Regional Mobile Force Battalion.
Suno kay Solis, ginalauman nga magsaka ang numero sang nagkaladakpan bangud nagapadayon pa ang Comelec Gun Ban apang suno kay Solis ang luyag kuntani sang mga ini nga indi na madugangan ang numero sang mga gun ban violators sa Western Visayas.
