Nagapanguna ang Negros Occidental kag Antique sa bilog nga Western Visayas sa may pinakamadamo nga numero sang biktima sang palupok samtang nagahilapit ang pagsugata sang tuig 2020.
Sa data sang Department of Health Region 6 nga nakuha sang Bombo Radyo Bacolod, 19 na ka mga persona sa Western Visayas ang napilasan bangud sa firecrackers.
Nagikan sa kabug-usan nga numero, may yara sang tag-anom ka biktima sa Negros Occidental kag Antique; duha sa Capiz; isa sa Guimaras; tatlo sa probinsya sang Iloilo; kag isa sa Bacolod.
Santo sa rekord, pito ka mga persona ang napilasan humalin alas-8:00 sang aga kahapon tubtub alas-8:00 sang aga subong nga Sabado.
Ang mga biktima suno sa DOH ang naga-edad sang duha ka tuig tubtub 44 apang kadamuan sa mga ini ang naga-edad sang duha tubtub napulo ka tuig.
Kalabanan naman sa mga biktima ang nalukpan sang boga nga nagadangat sa pito nagikan sa 19 ukon katumbas sang 37 porsyento.
Napulo naman sa mga ini ang napilasan sa mata ukon katumbas sang 53 porsyento.
Wala naman sang may napatay sa mga biktima, suno sa DOH.
