Siyam ka panibag-o nga kaso sang COVID-19 ang liwat nga nadugang sa probinsya sang Negros Occidental samtang isa naman ang nadugang sa Bacolod.
Sa data nga ginpagwa sang Department of Health Western Visayas COVID-19 Case Bulletin No. 100, si WV patient 367 ang isa ka 31 anyos nga lalaki kag residente sa banwa sang Manapla; si WV 368 ang isa ka 28 anyos nga babayi kag WV 369, isa ka 20 anyos nga lalaki ang lunsay mga residente sa banwa sang Toboso; si WV 370 ang isa ka 26 anyos nga lalaki kag residente sa banwa sang Pontevedra; si WV 371 ang isa ka 16 anyos nga babayi nga residente sa banwa sang Calatrava; si WV 372 ang isa ka 31 anyos nga lalaki, residente sa banwa sang La Castellana; si WV 373 ang isa ka 21 anyos babayi nga residente sa banwa sang Calatrava; si WV 374 isa ka 39 anyos nga lalaki, residente sa banwa sang Toboso; kag si WV 375 isa ka 29 anyos nga lalaki nga residente sa banwa sang Calatrava.
Sa karon ang kabug-usan nga kaso sang COVID-19 sa probinsya sang Negros Occidental ang nagdangat na sa 118.
Samtang nadugang naman sa COVID-19 cases sang Bacolod si WV 366 ukon Bacolod City Patient No. 52, isa ka 31 anyos nga babayi isa ka locally stranded individual (LSI) nagikan sa Manila.
Ang pasyente ang residente sang Barangay 1, Bacolod City kag nagapabilin nga asymptomatic.
Ang ciudad ang may-ara na sa karun sang kabug-usan nga 52 ka mga kaso sang COVID-19.
