Nag-umpisa na ang kampanya sang probinsya sang Negros Occidental may kaangtanan sa rabies.
Subong nga Marso, Rabies Awareness Month, luyag nga mapukaw sang provincial government ang ihibalo sang kadam-an tuhoy sa seryoso nga risgo sang rabies.
Ang tema sang Rabies Awareness Month subong nga tuig amo ang “Responsibilidad mo, alaga’y bakunado”.
Ang Provincial Veterinary Office upod sa ila respective lower units sa mga banwa kag ciudad ang nagalibot man para sa libre nga pagbakuna sang mga ido sa tagsa ka mga Barangay.
Sila ang nagapatigayon man sang information campaign agud ma-edukar ang mga pumuluyo sa dapat likawan agud indi makagtan sang sapat kag kun ano ang buhaton inkaso nga makagtan.
Sa luyag naman nga mag-avail sang mga programa angot sa Rabies Awareness Month para sa bilog nga bulan sang Marso, makig-angot lamang sa mga local veterinary offices sa nasakupan nga local government units.
