Nagalibot sa karun sa Negros Occidental ang technical inspection team nagikan sa Department of Education Central Office kag Philippine Sports Commission agud magpatigayon sang technical inspection sa mga venues nga pasilidad may kaangtanan sa bid sang probinsya nga maghost sa 2024 Palarong Pambansa.
Sa interview sang Bombo Radyo kay Negros Occidental Provincial Sports Coordinator Romeo Sison, sang Domingo, nag-abot ang technical inspection team sa probinsya kag pagkatapos ang orientation, sila ang nagpatigauon sang inspection sa Panaad Park and Stadium partikular na sa oval, softball diamond field kag sa ginaconstruct nga swimming pool.
Nagbisita man sila sa Murcia kun sa diin pagahiwaton ang mga boxing events.
Kahapon, nagcourtesy call ang mga ini kay Governor Bong Lacson sa Provincial Capitol kag nag-inspect man sa pila ka mga venues sa Talisay City kag ciudad sang Bacolod.
Nag-inspect man sila sa mga buluthuan kaangay sang University of St. La Salle, Riverside College kag Colegio San Agustin-Bacolod samtang subong nga adlaw, sila ang magabisita sa STI West Negros University, Bacolod Tay Tung High School, University of Negros Occidentan-Recoletos, Bacolod City High School, Negros Occidental High School kag iban pa.
Suno kay Sison, halos tanan nga private schools sa Bacolod ang pagagamiton sa pagbid sang probinsya sa Palarong Pambansa sa masunod nga tuig.// Tubtob sa Hunyo 28 magatinir sa probinsya ang technical inspection team nga kalabanan mga architect.
Pagkatapos sini, sila ang magapadulong naman sa Antique.
Pagkatapos sang inspection, may patigayunon nga presentation of dead sa Hulyo 14 nga pagapangunahan sang gobernador.
Sa Hulyo 21 naman igadeklarar kun sin-o ang nagdaog sa bidding kag sa Palarong Pambansa subong nga tuig, may yara sang patigayunon nga formal turn-over sang host.
