14 na ang bulawan nga medalya sang Negros Occidental sa elementary category, 19 sa Secondary level kag siyam sa Paragames sa nagapadayon nga Western Visayas Regional Athletic Association (WVRAA) Meet 2023 sa probinsya sang Aklan as of 2:00 pm, kahapon.
Ang probinsya ang may 19 naman ka mga silver sa Elementary category, 18 sa Secondary kag 21 sa Paragames.
May yara sang siyam ka bronze ang Negros Occidental sa Elementary category, 25 sa Secondary kag anum sa Paragames.
Sa report ni WVRAA 2023 Correspondent Bombo Tony Oquindo, nalutos sang Negros Occidental Basketball Boys and Girls ang team sang Antique, gani ang duha ka team magapangatubang sa karun nga adlaw batok sa Iloilo.
Sa bahin naman sang secondary Baseball boys sila napierde batok sa Iloilo sa score nga 5-1 kag sa karun yara sa fourth place.
Sa sipak takraw nagdaog ang girls team sang Negros batok sa Capiz samtang ang boys team naman ang napierde batok sa Iloilo.
Sa boxing, sa walo ka bout sa championship kahapon nakuha sang Negros ang lima ka gold, tatlo ka silver kag isa ka bronze, kag una nga nakagold diri ang nagikan sa Donya Montserrat Lopez Memorial High School kag ini ang magapadulong sa siyudad sang Cebu para sa Pre-Palaro.
Samtang, suno kay Lizviminda Jalandoni, ang coach sang elementary softball team, sila ang magahampang na para sa semi finals alas-7:00 subong nga aga batok sa Antique.
Mensahe sini sa tagsa nga magpangamuyo kag magsuporta sa mga kabataan nga players kag sa tanan nga Negrense atheletes nga ila makuha ang kampeonato.
