Nagapanguna ang probinsya sang Negros Occidental sa may pinakamataas nga rice production per hectare sa bilog nga Western Visayas.
Suno kay Atty. Japhet Masculino, pinuno sang Office of the Provincial Agriculturist, ginpahayag sini nga nagsaka ang rice production per hectare sang probinsya sini nga tuig kun ipaanggid sang tinalikdan.
Santo sa data sang Philippine Statistics Authority (PSA), nagadangat sa 4.11 metric tons per hectare subong nga 2020 samtang sang 2019 yara lamang sa 4.06 metric tons per hectare ang humayan sa Negros Occidental.
Nahibaluan nga may yara sang kabug-usan nga 65,000 hectares nga humayan ang probinsya kun sa diin kalabanan ang makit-an sa Central kag Southern part.
Suno kay Masculino, ang mataas nga volume sang production ang resulta sang intervention nga ginahimo sang gobyerno paagi sa Department of Agriculture kaangay na lamang sa paghatag sang maayo nga sahi sang binhi sang humay.
Ginkumpirmar naman sang OPA head nga sini nga Disyembre may natalana naman nga ihatag ang DA sa mga rice farmers association sa probinsya nga 30 ka traktora, 8 ka harvesters kag 80 ka mga rippers.
Tinguhaan naman sang OPA suno kay Masculino nga mapanubo ang cost of production samtang nagasaka ang volume sang production sang humay.
