Nagpanguna ang Negros Occidental sa Swine production sa Region 6 nga may 63.89 percent share sa kabug-usan nga supply.
Sa State of the Province Address (SOPA) ni Governor Eugenio Jose “Bong” Lacson, nagapanguna ang Negros Occidental sa Western Visayas, samtang gindayaw man sini ang gilayon nga enhancement sang Animal Disease Diagnostic Laboratory Facilities kag hugot nga pagpatuman sang quick response protocols and Quarantine Control Regulation.
Nagapanguna ang Negros Occidental sa Carabao Supply kun sa diin nagdangat ini sa 35.49 percent share sa rehiyon, nagapanguna man sa goat supply nga may 59.08 percent share.
Nagapangaduha ang probinsya sa bilog nga Western Visayas sa poultry nga may 33.12 percent supply share kag nagapaduha man sa bug-os nga rehiyon sa baka nga may 20.70 percent share sa bug-os nga Region 6.
Ginpabugal man sang gobernador nga nagapabilin nga bird flue free ang probinsya kag 109 percent self sufficient sa supply sang karne sang manok sa broiler kag native.
Santo sa data sa report sang gobernador, gikan sa tuigan nga production nga 38,895 metric tons, may surplus nga 2,715 metric tons ukon 9 pecent gikan sa total provincial supply demand.
Magluwas sini, 110.5 percent man nga self-sufficient ang supply sang itlog sang manok sa probinsya nga may tuigan nga production nga 290.2 million pieces kag surplus nga 27.8 million pieces.
Dugang pa ni Lacson, ang P14 billion nga Livestock and Poultry Industry sa Negros Occidental ang padayon nga naga-ayo kag nagabulig nga mapasangkad ang economic development kag livelihood opportunities sa mga lokal nga mangunguma kag stakeholders.
