Nakabatun sang pasidungog ang Negros Occidental gikan sa Department of Health (DOH) Western Visayas nga nagkilala diri bilang Best Performing Province sa Disaster Risk Reduction and Management kasubong man sa Health.
Suno kay Negros Occidental Governor Eugenio Jose “Bong” Lacson, ang pagpasidungog sa Negros Occidental ang ginpatigayon kadungan sa 2021 Regional Awarding of Partners and Stakeholders.
Pahayag sang gobernador nga nakita sang DOH Region 6 ang mga programa sang Negroc Occidental natuhoy sa Disaster kag Health Responses.
Ginalantaw man ni Lacson nga dako ang kontribusyon sang gintukod nga 911 hotline sa nabatun nga pagkilala.
Gindayaw sang gobernador ang Negros Occidental Provincial Disaster Risk Reduction Management Office (PDRRMO) sa pagpanguna ni Dr. Zeaphard Gerhart Caelian.
Nahibaluan nga ang 911 hotline ang operational na sa sulod sang masobra isa ka tuig, kag ang 911 center ang nahamtang sa Panaad Park and Stadium kasubong man ang PDRRMO Office.
Aminado naman ang gobernador nga dako ang nangin bulig sang hotline ilabi na sa bahin sang pagresponder sa disaster events, medical cases kag mga aksidente.
Pasalig ni Lacson nga magapadayun pa ang madasig ang pagserbisyo sang probinsya.
Pahanumdom sang gobernador nga prayoridad sa karun sang National Government amo ang improvement sang kada probinsya.
Samtang ginalantaw naman ni Lacson nga ang pagpasidungod sa probinsya may kaangtanan sa health management ang bangod sa nangin pagresponder sang mga ini batok sa COVID-19.
