Napulo ka mga kaso sang coronavirus disease ang bag-o nga narekord sa Negros Occidental samtang tatlo naman sang kaso sa ciudad sang Bacolod.
Sa COVID-19 Regional Case Bulletin No. 281 nga ginpagwa sang Department of Health Center for Health Development-Western Visayas, nadugangan sang 22 ang mga kaso sa Region 6.
Sa nasambit nga numero, isa diri ang nagikan sa Aklan; isa sa Guimaras; anum sa Iloilo; 10 sa Negros Occidental; tatlo sa Bacolod City kag isa sa Iloilo City.
Bangud diri, nagdangat na sa 21,676 ang kabug-usan nga kaso sang COVID-19 sa Western Visayas kun sa diin nadugangan 23 ang mga nag-alayo sa balatian gani yara na sa 20,208 ang kabug-usan nga recoveries samtang nagapabilin naman sa 652 ang death toll.
Sa karun, yara na sa 5,600 ang kabug-usan nga kaso sang COVID-19 sa Bacolod kun sa diin 76 ang aktibo; 5,347 ang nag-alayo; kag 177 ang nagtaliwan.
Samtang yara naman sa 6,407 ang kabug-usan nga kaso sang COVID-19 sa Negros Occidental kun sa diin 287 ang aktibo; 5,961 ang recoveries; kag 156 ang fatalities.
