21 ka mga kaso sang coronavirus disease ang bag-o nga narekord sa Negros Occidental samtang isa naman sa ciudad sang Bacolod.
Sa COVID-19 Regional Case Bulletin No. 274 nga ginpagwa sang Department of Health Center for Health Development-Western Visayas, nadugangan sang 42 ang mga kaso sa Region 6.
Sa nasambit nga numero, isa diri ang nagikan sa Capiz; 19 sa Iloilo; 21 sa Negros Occidental kag isa sa Bacolod City.
Bangud diri, nagdangat na sa 21,401 ang kabug-usan nga kaso sang COVID-19 sa Western Visayas kun sa diin nadugangan 32 ang mga nag-alayo sa balatian gani yara na sa 19,878 ang kabug-usan nga recoveries samtang nagapabilin naman sa 631 ang death toll.
Sa karun, yara na sa 5,558 ang kabug-usan nga kaso sang COVID-19 sa Bacolod kun sa diin 88 ang aktibo; 5,327 ang nag-alayo; kag 173 ang nagtaliwan.
Samtang, nagdangat na sa 6,335 ang kaso sa Negros Occidental kun sa diin 396 ang active cases; 5,790 ang recoveries; kag 146 ang fatalities.
