31 ang nadugang sa positibo nga kaso sang COVID-19 sa probinsya sang Negros Occidental samtang 27 naman ang narecord sa ciudad sang Bacolod.
Sa COVID-19 case bulletin no. 121 nga ginpagwa sang Department of Health kahapon, nagdangat na sa 1,036 ang kabug-usan nga kaso sang COVID-19 sa Western Visayas.
Samtang 76 naman ang panibag-o nga kumpirmado nga kaso sang positibo kahapon nga may duwa nga naka tag sa iban nga rehiyon.
Sa kabug-usan nga kaso sa Western Visayas, 424 diri ang active cases, 596 ang mga nakarecover kag 29 diri ang panibag-o samtang 16 naman ang nagtaliwan bangod sa virus.
Sa 31 naman nga nagpostibo sa Negros Occidental, lima diri ang OFW, 25 ang mga locally stranded individual (LSI) kag isa ang naka-admit sa ospital.
Sa 27 nga nagpositibo sa Bacolod City, yara sa idalum sang facility quarantine ang 25, nga may tatlo ka LSI, samtang duha naman ang naka-admit sa ospital.
Sa karun, yara na sa 395 ang kabug-usan nga kaso sang COVID-19 sa Negros Occidental samtang 147 naman ang sa ciudad.
May-ara man sang 12 ka mga panibag-o nga narecord nga nakarecover nagikan sa probinsya kag isa diri ang taga Bacolod.
