Nalakip ang probinsya sang Negros Occidental sa Top 10 winners sang 2021 Galing Pook Awards para sa NOCWAMA ukon Negros Occidental Coastal Wetlands Area Management Alliance, sa kapin 206 ka mga applicants sa nagkalain-lain nga local government units sa pungsod.
Ginbaton ni Governor Eugenio Jose “Bong” Lacson ang award bilang representative sang probinsya sa virtual awarding ceremony kahapon sang hapon kaupod kay Provincial Administrator Atty. Rayfrando Diaz, Provincial Environment Management Office Head Atty. Julie Ann Bedrio, Executive Assistant to the Governor kag PIO OIC Charina Magallanes – Tan, kag Ma. Elena San Jose sang PEMO.
Ang 2021 Galing Pook Awards ang ginpresentar sang Pook Foundation, Department of the Interior and Local Government – Local Government Academy, kag SM Prime Holdings.
Ang entry sang probinsya ang ginhingadlan “Network of Alliances for Coastal Wetlands Conservation”.
Ang iban pa gid nga mga finalists amu ang Agusan del Sur; Alabat, Quezon; Cagayan de Oro City; Quezon City; San Juan City; Tagum City, Davao del Norte; kag Valenzuela City.
