Nag-convene na ang Negros Occidental Provincial Disaster Risk Reduction and Management Council para sa prepasyon sa Southwest Monsoon nga ginpabaskog pa sang Tropical Cyclone Inday na nakasulod na sa Philippine Area of Responsibility.
Sa interview sang Bombo Radyo Bacolod kay Negros Occidental Provincial Disaster Risk Reduction Management Office Head Irene Bel Ploteña, ginpaidalom ang bilog nga probinsya ng Negros Occidental sa Blue Alert Status.
Suno kay Ploteña, bangud sini 24/7 na nga activated ang operations center kag on-standby ang tanan nga response teams kag detailed duty personnel sang tanan nga Local Government Units sa probinsya.
Bilang preparasyon, nakaprepositioned naman ang mga resources kag nagakoordinar naman sila sa mga partner agencies kag offices.
Padayon man ang monitoring sang Provincial Disaster Risk Reduction Management Office sa sitwasyon.
Gin-athag man sini nga wala sang direkta nga epekto sa probinsya sang Tropical Cyclone Inday.
Panawagan sini sa publiko nga mangin alerto kag siguruhon ang Go Bag agud bulakwiton nalang kun kinahanglan mag-evacuate.
Ginapaaligmat man sini ang mga residente nga nakapuyo sa mga lugar nga prone sa pagbaha kag landslides.
Kahapon, subong nga adlaw kag tubtob may yara na sang LGUs nga nagkanselar sang klase bangud sa malain nga panahon tuga sang Southwest Monsoon nga ginpabaskog pa sang Tropical Cyclone Inday bangud sa malain nga panahon nga ginalakipan sang Himamaylan City; La Castellana; Binalbagan kag San Carlos City.
