Ginapanawagan sang presidente sang United Sugar Producers Federation (UNIFED) ang padayon nga cloud seeding operation.
Sa interview sang Bombo Radyo Bacolod kay President Manuel “Manolet” Lamata, dapat padayunon sang gobyerno ang cloud seeding.
Suno kay Lamata, kun padayunon ang cloud seeding magapabilin ang panganod sa probinsya, base sa pahayag sang mga eksperto nga naka-training sa Thailand.
Ginpahayag man sini nga sa report sang nagligad sang mga experts sa nauna nga cloudseeding operation sa bulig sang Philippine Air Force, 100 percent ang effectivity sang nasambit nga aktibidad.
Dugang pa ni Lamata, ang El Nino ang magaigo sa Disyembre tubtob sa Abril 2027 santo sa forecast sang mga eksperto gani dapat nga nga padayunon ang cloudseeding.
Samtang ginkumpirmar man sini nga may yara sang pondo nga P30 million nga idownload ang Sugar Regulatory Administration (SRA).
Apang nagapanawagan pa ini sang dugang nga pondo para sa cloudseeding samtang may yara pa sang mga panganod bangud ang ulan nga matuga sini dako ang mabulig sa tubo kasubong man sa mais kag humay.
