Nagpasalig ang spokesperson sang Negros Occidental Police Provincial Office nga indi magnubo ang pagka-episyente sang kapulisan para sa maga-abot nga Barangay kag SK election, apisar nga nagin matawhay ang eleksyon sang tuig 2022.
Sa interview sang Bombo Radyo kay Police Captain Judesses Catalogo, sa karun wala pa sang narekomendar ang COMELEC, AFP kag PNP sang mga area nga malakip bilang election concerned area.
Suno diri, masami nga ginadeklarar nga hotspot area ang isa ka lugar sa kada katapusan sang filing of candidacy nga ini nakabase sa giho kag reaksyon sang opposing parties ukon candidates.
Apang sa karun indi pa madeklarar nga hotspot ang isa ka area bangod nga wala man nagakaan gay ang mga hitabo sang nakaligad nga eleksyon sa matabo sa pala-abuton nga Barangay kag SK elections.
