Nagdeploy man sang mga kapulisan ang Negros Occidental Police Provincial Office (NOCPPO) sa pila ka mga tourist hubs kag baybayon sa probinsya subong nga ginasaulog ang kapiestahan ni San Juan de Bautista.
Sa interview sang Bombo Radyo Bacolod kay Police Captain Wilma Silva, spokesperson sang NOCPPO, sila ang naghamtang sang mga Police Assistance Desk sa mga Tourist Hub kag Beach Resorts nga ginadagsa sang tawo sa nasambitan nga okasyon.
Sunod sa derektiba ni Philippine National Police Chief Police Major General Rommel Francisco Marbil, sila ang nagsunod sa mandato nga 85 porsyento sang mga personnel ang ideploy kag 15 porsyento lamang ang mabilin sa mga estasyon.
Apang pasalig ni Silva nga sila ang wala lamang nakatutok sa pagbantay sang seguridad may kaangtanan sa kapiestahan ni San Juan de Bautista, kundi nagabantay man sa iban nga mga kriminalidad gani sila ang nagapatuman man sang Oplan Sita.
Magluwas sa mga Police personnel nga nakastandby sa mga Tourist Hubs, may mga nagapatrolya man agud gilayon makaresponder sa tion sang mga insidente.
Sa pihak sini, kun plano nga maglagaw sa mga beach resorts, panugyan ni Silva nga bantayan gid ang mga kabataan agud malikawan ang insidente sang pagkalumos.
