Nagpanugyan ang spokesperson sang Negros Occidental Police Provincial Office (NOCPPO) sa mga pumuluyo nga indi pagibaylo ang gamay nga kantidad sang kwarta sa identity.
Sa interview sang Bombo Radyo Bacolod kay Police Captain Wilma Silva, nagpanugyan ini sa mga pumuluyo sa probinsya sang Negros Occidental nga mag-aligmat.
Ini kadungan sang modus sang isa ka babayi nga Chinese looking nga nagakuha sang picture sang valid IDs agud nga gamiton sa paggamit sang gcash accounts.
Panugyan sini sa publiko nga mag-aligmat kag indi gid pag-ibaylo ang identity sa gamay nga kantidad sang kwarta.
Suno kay Silva, ang mga City kag Municipal Police Stations sa probinsya sang Negros Occidental ang gin-alerto naman agud nga mabantayan ang kaangay nga modus kag malikawan nga may yara sang mabiktima sa lugar nga ila nasakupan.
