Gin-athag sang tagpamaba sang Negros Occidental Police Provincial Office nga wala sang vigilante nga grupo nga natukod nga nagapamatay kag nagabilin sang mga bangkay may kaangtanan sa illegal nga druga.
Sa interview sang Bombo Radyo kay Police Capatin Judesses Catalogo, ang tanan nga mga insidente nga pagkasapo sa mga bangkay sa probinsya sang Negros Occidental nga kalabanan may kaangtanan sa illegal nga druga, ang ginakonsiderar nga isolated case.
Suno diri, ang kampanya batok sa mga posible nga armado nga grupo ukon private groups ukon organized groups sa probinsya, ang na amat-amat na nga nadismantle.
Dugang pa ni Catalogo, ang punto diri amo nga na amat-amat na dakop, napasakaan sang kaso kag naguba na ang mga grupo kun sa diin ang iban diri nagkalamatay sa tunga sang police operation.
Tanan nga grupo nga notorious nga naga-operate nga yara na nadagdag sa neutralize kag dismantle nga kategorya.
Gin-athag sini nga ang mga krimen nga nagluntad indi na ma konsiderar nga iban pa kundi amo ang pagbayolar sa layi.
Pahayag ni Catalogo sa kooperasyon sang mga himata sang mga biktima, ang ila mahatag nga impormasyon ang mangin basehan sang kapulisan sa pagtumod sa identity kag lokasyon sang mga suspestsado.
