Ginpasiguro sang Negros Occidental Police Provincial Office ang hugot nga pagbantay sang mga pulis kadungan sang closure sang mga sementeryo halin Oktubre 30 tubtub Nobyembre 2.
Suno kay NOCPPO spokesperson Police Lt. Abegael Donasco, nagsugod sang Oktubre 25 ang pagbantay sang mga pulis sa mga patyo sa tanan nga kabanwahan kag component cities sa probinsya.
Nagpahamtang man sang police assistance desks sa mga patyo kag nagalibot ang mga beat patrollers bangud madamo man ang pwersa sang pulis.
Suno kay Donasco, ginapatuman sang mga pulis ang minimum health protocols sa magakadto sa mga patyo bangud ang kaayuhan sang tanan ang ginasiguro.
Sa tion nga may yara sang matig-a sang ulo kag indi magsunod sa health protocols suno kay Donasco, imbitaran ini sa police station.
