Preparado na ang Negros Occidental Police Provincial Office para sa holiday season apisar sang nagapadayon nga pagsaka sang numero sang aksidente sa probinsya.
Sa interview sang Bombo Radyo kay NOCPPO spokesperson Police Major Rhojn Daryll Nigos, 1,800 tanan ang ila inisyal nga gindeploy nga mga police personnel sa local areas sa probinsya.
Ini ang may koordinasyon sa Philippine Coast Guard, Armed Forces of the Philippines, Maritime Group, advocacy support group kaangay na lamang sang force multipliers agud nga mamonitor kag matsekyar ang kada barangay kag localities sa probinsya.
Panugyan ni Nigos, antes magdrive, dapat nga itsekyaron ang salakyan kag ang kaugalingon mismo kun may ikasarang pa nga magmaneho.
Ginlunsyar man nila nga ang “Mata ng Kalsada” operation bangud sa padayon nga pagsaka sang numero sang aksidente sa dalanon.
Nagpasalig man ini nga may yara sang mga robing patrols sa dalan ilabi na sa mga tourist destinations kag areas of concerns sang probinsya sang Negros Occidental.
