Makabalik na sa opisina si Negros Occidental Provincial Administrator Atty Rayfrando Diaz sumugod subong nga adlaw. Ini matapos ginpirmahan ni Negros Occidental Governor Eugenio Jose ‘Bong’ Lacson ang iya reinstatement order.
Madumduman nga una nga ginsuspender sang anom ka bulan si Diaz kag Executive Assistant II Chery Sheil Valenzuela bangod sa pag-engage sa private practice bilang abogado samtang nagatrabaho sa gobyerno.
Apang ginpanindugan ni Diaz nga madamo sang otoridad ang gobernador sang siya ang gin-appoint nga nagapahanugot sa private practice, sa baylo nga indi maka-apekto sa pwesto sini sa gobyerno.
Kalakip diri ang iya kliyente ang may expropriation case sa banwa sang Binalbagan. Sang damlag lang, ginpanubo sang Office of the Ombudsman ang suspension sa isa na lamang ka bulan.
Apang wala gilayon nakabalik sa pwesto si Diaz bangod ginahulat pa sini ang reinstatement order ni Lacson ukon sang Department of the Interior and Local Government (DILG).
