Maga-file sang motion for reconsideration sanday Negros Occidental Provincial Administrator Atty. Rayfrando Diaz kag Executive Assistant II Chery Sheil Valenzuela angot sa 6 months suspension nga gindagdag sa ila sang Office of the Ombudsman.
Ang nagpasaka sang kaso amo si Atty Roxene Sumanting, sa gina-alegar nga pag-engage sang duha sa private practice samtang yara sa ila pwesto sa gobyerno.
Tatlo tanan ang ginpasakaan sang kaso kalakip na diri si Atty Alberto Nellas Jr, apang gindismiss ang kaso batok sa iya samtang si Diaz naman kay Valenzuela ang suspended without pay.
Suno kay Atty. Rayfrando Diaz, maga-file ini sang motion for reconsideration bangod nga wala man ini sang nahimo nga conflict sa gobyerno ukon sa bisan ano nga local government unit.
Suno diri, antes pa man ini nagtrabaho sa probinsya may yara ini sang kliyente kun sa diin ang isyu amo expropriation case sa banwa sang Binalbagan.
Nagpropose ini sadto sang settlement sa Binalbagan nga kun mahimo indi na ini magbakal pa sang duta nga nasakop sang isa ka subdivision apang hatagan na lamang ini sang lain nga duta nga mahimo nga alagyan.
Samtang sa bahin ni Diaz, luyag na lamang sini nga iserbe ang suspension agud nga siya ang makapahuway man, apang respituhon man sini ang mangin desisyon ni Negros Occidental Governor Eugenio Jose ‘Bong’ Lacson.
