Negros Occidental Provincial Administrator, nagpaathag kun ngaa wala sang gift pack para sa mga Contract of Service kag Job Order employees

Ginpa-athag sang Negros Occidental Provincial Government kun ano ang rason kun ngaa wala sang gift pack nga nabaton ang mga Contract of Service kag Job Orders employees.

Suno kay Provincial Administrator Atty. Rayfrando Diaz II, sang tinalikdan nga tuig may ginpanagtag nga gift pack apang madamo man sang wala nagkuha kuns adiin nahibaloan nga masobra sa 200 pa ka gift pack ang wala naclaim.

Suno diri, mahimo nga nakampante naman ang mga empleyado bangod mas madako ang gratuity pay nga nabaton nila subong nga yara sa P7,000 nga mas mataas kun ikumpara sa P5,000 nga nabaton nila sang tinalikdan.

Samtang, ginpahanugotan man ang mga empleyado nga magleave subong nga holidays agud malawig ang ila pahuway.