-- ADVERTISEMENT --

Nagpaathag ang provincial administrator sang Negros Occidental angot sa pagpili sang quarantine center sang probinsya para sa mga overseas Filipino workers nga nagpauli.

Sa interview sang Bombo Radyo Bacolod kay Atty. Rayfrando Diaz, ginpahayag sini nga ginplastar sang maayo sang probinsya ang pagpili kag una na nga naghinun-anon ang mga opisyales angot sa pagtumod sang quarantine facility.

Pila sa mga gintanyag ang Negros Residences nga malapit sa provincial capitol bilang mangin temporary center sang mga doctor kag nurses nga nagaduty sa Corazon Locsin Montelibano Memorial Regional Hospital (CLMMRH) nga ginadiscriminate kag ang Mambukal Resort.

Bangud wala gin-aprubahan sang Provincial Health Office (PHO) kag iban pa nga health experts ang Negros Residences bangud sa lokasyon sini nga yara sa tunga sang ciudad kag madamo ang nagagwa kag sulod sa lugar kun sa diin ang risgo nga madamo ang malatnan sa tion sang may magpositibo.

Samtang gin-aprubahan naman ang Mambukal Resort bilang quarantine facility bangud malayo sa ciudad kag mahimo nga tiniran sang low risks sa COVID-19 nga mga Persons Under Monitoring (PUM) ukon mga returning residents sang Negros Occidental.

-- ADVERTISEMENT --