Ginkompirmar sang Negros Occidental Provincial Administrator nga nakapatublok na ini sang 1st dose sang Astra Zeneca vaccine saTeresita Jalandoni Provincial Hospital sa Silay City kahapon sang hapon.
Sa interview sang Bombo Radyo Bacolod kay Atty. Rayfrando Diaz, ginpahayag sini nga wala man ini sang nabatyagan magluwas sa gamay nga pagman-ol sang nawala niya nga butkon kun sa diin gintublok ang bakuna.
Suno kay Diaz, ginpili sini nga itublok sa iya ang AstraZeneca vaccine bangud sarang man nga makapili sa available nga bakuna nga ihatag sa imo.
Kaupod sini ang mga guards ni Negros Occidental Governor Eugenio Jose Lacson sa pagbakuna.
Suno kay ginkuhaan man sila sang BP, oximeter kag temperature antes ginbakunahan.
Suno diri gintapos niya anay ang mga ulubrahon niya para sa mga inaugurasyon antes nagpabakuna bangud mahimo nga makadevelop ini sang mga sintimos.
Gindayaw man sini ang vaccinator nga nagtublok sang bakuna bangud wala sini nabatyagan nga ang kasakit sang dagum.
Nagalaom man ini nga ang pagpabakuna nila ang makaengganyo sa mga pumuluyo nga magpabakuna batok sa COVID-19.
Ginpahayag man sini nga mataas man ang vaccination acceptance sa probinsya bangud naga average sila sang mga ginbakunahan 200 kada adlaw.
Mix man ang AstraZeneca kag Sinovac vaccine nga ginagamit sa vaccine inoculation.
Suno kay Diaz, kaupod man niya nga nagpabakuna si Office of the Provincial Agriculturist head Atty Japhet Masculino kag asawa sini.
12 ka semana ang kinahanglanon nga agwat antes mahatag ang second dose sang nagpatublok sang AstraZeneca vaccines.
