Preparado na ang pamunuan sang Provincial Disaster Risk Reduction and Management Office (PDRRMO) sa probinsya sang Negros Occidental para sa pagsugata sang bag-ong tuig.
Sa interview sang Bombo Radyo Bacolod kay Irene Bel Ploteña, Negros Occidental PDRRMO Head, nakahanda na sila agud nga magresponde kun may yara sang untoward incidents nga matabo samtang ginasugata ang bag-ong tuig.
Suno kay Plotena, nakahanda na ang mga ambulansya sa tagsa ka Local Government Units sa probinsya agud magresponde sa mga insidente.
Nakaheightened alert naman ang mga Disaster Risk Reduction and Management Offices sa mga LGUs sa probinsya.
24/7 naman nga operational ang command center sang PDRRMO.
Nakahanda naman ang 911 emergency contact number agud nga magresponde sa tion nga kinahanglan.
Nagpanawagan man ini sa mga pumuluyo nga magpabilin nga vigilante kag maghalong agud nga malikawan ang mga insidente.
