Liwat na nga saluon sang Negros Occidental Provincial Government ang pagpakaon sang mga Kanlaon evacuees.
Sa interview kay Governor Eugenio Jose “Bong” Lacson, liwat na nga ginsuguran ang Community Kitchen sang Hulyo 21 kag magalawig sang 30 ka adlaw.
Nahibaluan nga may P2.8 million pa nga nabilin gikan sa P50 million nga ginhatag sang National Government, kag ini ang dugangan na lamang sang P3.1 million gikan sa budget sang Provincial Disaster Risk Reduction and Management Office.
Sa karun siyam na lamang ka evacuation centers ang nabilin nga ginalakipan sang pito sa La Castellana, isa sa La Carlota City kag isa sa Bago City.
Apang paathag ni Lacson nga ang ila lamang nga macater amo ang mga yara sa evacuation centers, bangod ang mga nagpauli ang nagrisgo naman kag nagpirma sang waiver.
