Plano nga magtukod sang Negros Occidental Provincial Government sang 28-storey Multi-Purpose building.
Sa interview sang Bombo Radyo Bacolod kay Negros Occidental Provincial Administrator Atty Rayfrando Diaz, ang nasambitan nga ang itukod pinaagi sa Build Operate Transfer Scheme nga may budget nga P6 billion.
Ang building ang tukuron sa Lacson-Cottage Road.
Madumduman nga sa nasambitan nga 7,500 square meter nga duta nahamtang ang anay Land Transportation Office (LTO) building, kag may-ara man ang Boys Scout Building kag Veterans Bank./
Suno kay Diaz, sila ang may agreement na nga temporaryo anay magasaylo ang pila ka talatapan kag ang bangko kag hatagan man sang pwesto sa pagkahuman sang 28-storey building.
Plano nila nga gamiton ang 1st kag 2nd floor bilang commercial area, mga offices ang 3rd kag 4rd floor, parking area ang 5th kag 6th floor, dugang nga mga opisina sa upper floors kag ang mabilin ang magaserbe nga apartment ukon residential areas.
Samtang may-ara man sang amenities sa ibabaw kaangay sang function hall kag swimming pool.
Suno kay Diaz, mahimo mahamtang sa building ang pila ka talatapan sang Provincial Government, kag kun mahimo man nga mahamtangan sang Regional Government Offices para sa Negros Island Region.
Dugang pa sini nga ang mga empleyado ang sarang man nga maka-avail sang apartments sa ibabaw.
Target sang probinsya nga magamit ang pasilidad agud dugang nga income-generating projects kaangay sa Mambukal Mountain Resort and Wild Life Sanctuary kag Negros First Cyber Center, nga padayun nga nagahatag sang income sa probinsya.
