Ginkumpirmar ni Negros Occidental Governor Eugenio Jose “Bong” Lacson nga sila ang nagahatag sang financial assistance nga magamit sang mga performing Barangay.
Sa interview sang Bombo Radyo Bacolod kay Lacson, 2019 pa sang ginsuguran ang programa.
Apang ini ang nakadepende sa provincial budget gani ini ang nagabag-o man kada tuig.
Subong nga tuig, may-ara sang P8.2 million nga natalana nga budget, kun sa diin P250,000 ang ginhatag sa performing barangay, indi kaangay nakaligad tuig nga yara sa P200,000.
Nakadepende na sa Barangay kun sa diin gamiton ang budget, kun sa diin may-ara sang mga nagfocus sa solar street lights, equipment sa Barangay kag iban pa nga proyekto.
Apang paathag ni Lacson nga kinahanglan magpasa sang program of work ang mga Barangay, resolusyon, implementation date kag liquidation sang budget.
