Ginkumpirmar sang provincial administrator sang Negros Occidental nga sa P4.5 billion proposed budget sang probinsya para sa 2021, P36 million ang ipartinisir para sa pagbakal sang COVID-19 test kits samtang P20 million naman para sa mga pagkaon kag quarantine facilities.
Sa interview sang Bombo Radyo kay Atty. Rayfrando Diaz, ginpahayag sini nga apisar nagahatag ang Department of Health sang mga gamit para sa COVID-19 response, mas maayo gid kun may yara sang kaugalingon nga supply ang probinsya.
Suno kay Diaz, wala ginbudgetan ang bakuna bangud apisar nga 90% na ini nga nadevelop, madamo gihapon sang logistical challenges antes ini mag-abot.
Gindugang man sini nga kun magbakal gid man sang vaccine, damo may storage facility nga may 70% nga freezer agud indi ini maguba.
Sa karun, suno sa provincial administrator, mas maayo nga magsunod nalang gid sa mga health protocols agud indi mahalitan sang virus.
