Nagpasalig si Negros Occidental Governor Eugenio Jose “Bong” Lacson nga dapat may yara gid sang bisan isa lang ka overflow sa probinsya nga ma-convert sa isa ka taytay kada tuig.
Sa interview sang Bombo Radyo Bacolod kay Lacson, ginpahayag sini nga tinguhaan sang provincial government nga maka-convert sang isa ka overflow padulong sa taytay kada tuig depende sa available nga pondo.
Una na nga ginpahayag sang damlag lang ni Provincial Engineer Ernie Mapa nga may yara sang 16 ka mga overflow sa probinsya.
Suno sa gobernador, prayoridad sini amo ang mga heavy traffic overflow ukon masami nga ginagamit.
Ginmanduan naman niya si Mapa nga tumudon ang ini nga mga overflow.
Gin-athag naman ni Lacson nga unahon sang probinsya ang mga overflow sa mga banwa sangsa ciudad bangud nga manubo lang ang Internal Revenue Allotment (IRA) sini.
Ginalantaw sang gobernador nga mapropose ang provincial government sa programa sang Department of the Interior and Local Government (DILG) nga Conditional Matching Grant to Provinces (CMGP) ukon sa Philippine Rural Development Projects agud ma-convert sang amat-amat ang mga overflow padulong sa isa ka taytay.
