Nagpatunga ang provincial government sang Negros Occidental agud nga masolusyonan ang problema sa nagsupot nga volcanic materials sa Barangay Biaknabato, La Castellana, Negros Occidental.
Sa interview sang Bombo Radyo Bacolod kay Negros Occidental Provincial Administrator Atty. Rayfrando Diaz, santo sa instruction ni Negros Occidental Governor Eugenio Jose “Bong” Lacson, nagpatunga ini sa Barangay, Local Government Unit kag Department of Environment and Natural Resources (DENR) agud nga makuha ang volcanic materials sa sapa nga nagtuga sang pagtapan sini kag nangin rason sang pagbaha.
Suno kay Diaz, ginsuhestyon sini nga ibutang sa bakante nga lote sang Mt Kanlaon Natural Park agud nga ini na mismo ang maga-safe keep sang mga stockpiles.
Una nga ginpahayag nga ipahigadon lang ang volcanic materials apang nakita ni Diaz nga mausos man ini sa gihapon kun mag-ulan gani nakakita naman ini sang solusyon.
Una na nga ginpahayag ni Diaz nga ang pagkalkal sang balas kag bato ang clearing lamang indi dredging.
WATCH: https://youtu.be/Pqa_pm5w5Rk
Ginpasalamatan man sang alkalde sang La Castellana, Negros Occidental ang ginhimo sang provincial government.
Sa interview sang Bombo Radyo Bacolod kay Mayor Añejo Nicor, ginkalipay sini kag ginpasalamatan ang probinsya nga nasolusyunan ang problema sini.
Suno kay Nicor, nakuha na ang mga balas kag batok apang ginstockpile ini sa opisina sang Mt Kanlaon Natural Park nga yara sa sulod sang protected area santo sa pagsulundan sang DENR.
