Nagbayad sang P11 million ang provincial government sa Negros Occidental kasunod sang mando sang Korte Suprema nga bayaran ang balor sang gin-demolish nga fourth floor sang Sugarland Hotel.
Nag-ugat ang kaso sa pagdemolish sang fourth floor sang Sugarland Hotel sadtong 1994.
Ginkabig ini nga isa ka aerial obstruction sang Air Transportation Office sadto rason man nga ginpasira ang operasyon sang daan nga airport.
Suno kay Negros Occidental Provincial Administrator Atty. Rayfrando Diaz, temprano pa subong nga tuig nabaton na nila ang desisyon apang malawig pa ang ginhulat antes naaprubahan ang budget.
Ginpahayag ni Diaz, ang nasambit nga kantidad ang ibayad sang probinsya sa damages sa Sugarland Hotel.
Samtang ang ciudad sang Bacolod ang magabayad man sang damages sa nasambit nga hotel sang kapin P13 million.
