Suportado sang Negros Occidental Provincial Government ang pagpauli sang mga evacuees nga nagapuyo sa gwa sang 6km extended danger zone.
Sa interview sang Bombo Radyo Bacolod kay Negros Occidental Provincial Administrator Atty. Rayfrando Diaz, ginpapauli sang Enero 8 ang mga evacuees sa banwa sang La Castellana, kag ciudad sang La Carlota kag Bago nga nagapuyo sa gwa sang 6km danger zone.
Suno diri, ang mga nagpauli ang mga evacuees nga gin-evacuate bangod sa epekto sang abo.
May yara man sang consente ang pagpapauli sa ila sang mga Local Government Units kag sa karun nakahibalo na ang mga ini kun diin makadto kun mag-evacuate.
Sa karun ang numero sang mga evacuees sa tatlo ka LGU’s ang yara sa 5,619 nga ginalakipan sang 4,457 sa banwa sang La Castellana; 1,112 sa ciudad sang La Carlota kag 50 sa ciudad sang Bago, Negros Occidental.
Samtang, ginhire naman bilang Job Order sang Negros Occidental Government ang 41 ka mga evacuees nga amo ang nagaluto sa mga evacuation centers.
