Wala pa ginakonsiderar sang Negros Occidental Provincial Government ang pagpasaka sang kaso batok sa negosyante nga gin-alegar nagbuya sang shooting threat sa Provincial Capitol kahapon.
Sa interview sang Bombo Radyo Bacolod kay Governor Eugenio Jose “Bong” Lacson, matapos ang alarma, ginpakamaayo na lamang nila nga hugtan pa ang seguridad sa sulod sang kapitolyo probinsyal.
Pinaagi sa mas ginpahugot nga protocol, maseguro nila ang safety sang mga empleyado.
Suno kay Lacson, pamahog lamang ang natabo, apang indi nila luyag nga magkampante kag hulaton nga may matabo nga kaangay sa mga insidente sang pagpangluthang nga natabo sa pila ka mga eskwelahan.
Kaina sang aga, nagbalik na sa normal ang operasyon sa kapitolyo.
Madumduman nga ginsuspend ang opisina kahapon sang hapon bangod sa gina-alegar pagpamahog ni John Sy Keng Seng sa pagpaniro matapos wala mahatag sa iya ang ginapangayo nga dokumento gikan kay Negros Occidental Provincial Administrator Atty. Rayfrando Diaz may kaangtanan sa Bulk Water Project.
Ginpanginwala naman ni Keng Seng ekskusibo sa Bombo Radyo Bacolod nga siya ang wala nagpamahog, sa baylo ginpahayag sini nga kun magpamwersa si Diaz kag indi ihatag ang iya dokumento, ipatiro niya na lamang ini sa guwardiya sang kapitolyo.
