Wala pa sang nakita nga patimaan nga monkey pox ang ginabatyag sang duha ka pasyente nga gina-obserbahan sa Negros Occidental.
Sa interview sang Bombo Radyo Bacolod kay Negros Occidental Provincial Health Officer Dr. Girlie Pinongan, wala nila ginbutang ang duha ka pasyente nga suspected cases bangod sa assessment, indi parehas sa monkey pox ang nakita nga mga sintomas.
Ini ang ginalakipan sang isa ka tuig nga bata gikan sa banwa sang Pontevedra nga gindala sa Don Salvador Benedicto Memorial District Hospital sa La Carlota City kag ang bus driver gikan sa Manila nga nagpauli kag gindala sa Tabugon Community Clinic sa Kabankalan City.
Sa paglantaw ni Pinongan, skin allergies lamang ang ginasuprer ang bus driver samtang rashes naman ang sa isa ka tuig nga bata.
Nahibaluan nga dalagko nga bitog-bitog ang nagatubo sa panit sang nagasuprer sang mpox kag ini ang mas dako pa sangsa sulalob ukon chicken pox.
Dugang pa ni Dr Pinongan nga tatlo ka semana, sarang na nga madula ang mpox bangod ini ang viral disease ukon makalalatun, apang ang isa sa pasyente ang halos isa na ka bulan nga may ginabatyag sa panit.
Sa karun, ang duha ang padayun lamang nga gina-obserbaran.
Pahanumdom sang doktor nga skin contact ang paagi sang paglaton sang mpox, gani mas maayo nga maglikaw sa pagtlilipon sang tuman kadamo nga mga tawo kaangay sa mga aktibidad sa kapiestahan.
Kun may ginabatyag nga kaangay sang mpox, gina-abiso naman nga magself-isolate kag indi man pag-ipagamit sa iban ang mga pinggan, kutsara, baso kag iban pa agud indi makalaton.
Nahibaluan nga may kumpirmado na nga kaso sang mpox sa Iloilo kasubong man sa Cebu, apang pasalig ni Pinongan nga wala pa sang mpox case sa Negros Occidental.
