Ginpahayag sang provincial veterinarian sa probinsya sang Negros Occidental nga ang pagnubo sang presyo sang liveweight sang baboy ang bangod sa madamo nga supply sa probinsya samtang ang pagmahal naman sang presyo sini sa merkado ang bangod naman sa demand.
Suno kay Dr. Placida Lemana, ang liveweight price sang baboy ang yara na sa P180 per kilo gikan sa P205 sang tinalikdan.
Suno diri, ang pagnubo sang presyo sini ang bangod nga madamo sang supply sang baboy sa probinsya bangod man nga humalin pa sang Nobyembre 15 tubtob sa karun wala pa nakapagwa sang baboy ang probinsya nga ibaligya sa iban.
Ini man bangod nga expire na ang Certificate of Free Status on. African Swine Fever (CFS ASF) sang probinsya nga iga-renew pa sa masunod nga tuig.
Samtang, ang mahal naman nga presyo sang baboy sa merkado ang bangod sa demand sa karun nga holiday season.
Santo sa ila nga monitoring ang presyo sang baboy ang nagadangat sa P350 tubtob P380 sa kada kilo.
