Plano nga magpatigayon sang Negros Occidental Provincial Veterinary Office nga magpatigayon sang medical mission sa mga kasapatan nga apektado sang paglupok sang Bulkan Kanlaon partikular sa 4th District.
Sa pahayag ni Provincial Veterinarian Dr Placida Lemana, sa report sang mga paravet sa 4th District, na-obserbahan nga pila ka mga kasapatan ang nakaangkon sang balatian kaangay sang respiratory illness kag astro-illness.
Ini bangod sa epekto sang ashfall kun sa diin mahimo nga sila ang nakakaon sang mga pananom nga kontamindo sang abo.
Ang Bago City Veterinary Office ang nakarecord sang nagmasakit nga masobra 270 nga mga free range chicken, apat ka kanding kag duha ka baboy partikular na sa Barangay Ilijan, Bago City.
Sila ang natalana nga magpatigayon sang medical mission subong nga semana sa Barangay Ilijan, Bago City kag tatlo ka mga Barangay sa banwa sang La Castellana kalakip na sa Barangay Biak na Bato, nga una nga ginluntaran sang lahar flow.
Padayun man ang paglibot sang mga paravet sa iban pa nga apektado nga mga banwa.
Magluwas sa medical mission, sila ang nagakooridnar man sa mga suppliers sang veterinary medicines kag feeds suppliers nga mahimo mabulig.
