Nagpangagda ang Provincial Tourism Office sang Negros Occidental sa selebrasyon sang Tourism week sa probinsya.
Sa interview sang Bombo Radyo kay Provincial Tourism Officer Cheryl Decena, ang tourism week ang patigayunon sa Setyembre 27 tubtob Oktubre 1 sa Ayala mall.
Suno diri, may yara sang trade fair, travel fair, dog show kag iban pa nga activties.
Una na nga nagselebrar ang tagsa ka mga cities kag municipalities sang tourism week kag kasunod sini amo ang province tourism week.
Pahayag ni Decena, ang trade fair kag travel fair ang mangin palaagyan para sa mga small business owners nga makatukod sang koneksyon sa negosyo.
Dugang pa sini, ila man iga-highlight indi lamang ang tourism spot sa probinsya apang may yara sila sang kasalan event agud nga mapromote ang Negros Occidental bilang wedding destination.
Dako naman ang pagpasalamat sini sa tanan nga Local Government Units nga nagatrabaho sa pagpromote sang ila tagsa ka mga area.
Pahayag sini, ang tourism month ang may tema nga ‘Tourism and Peace’ nga nagapakita nga ululupod ang tanan sa journey sang probinsya sa pagpasanyog sang turismo.
