Ginpahayag ni Negros Occidental Vice Governor Jeffrey Ferrer nga nagahimo ini sang tikang agud marevoke ang appointment ni Aurelio Gerardo Valderama bilang miyembro sang board sang Sugar Regulatory Administration (SRA).
Madumduman nga gin-appoint ni President Ferdinand “Bongbong” Marcos Jr. si Valderama bilang board member sang SRA apisar nga sang eleksyon, nagapamatok ini sa iya.
Suno kay Ferrer, indi na kuntani big deal para sa iya kun sin-o ang iga-appoint sang presidente kag nagapasalamat ini nga nagtupa ang posisyon sa isa ka Negrosanon.
Apang kun siya kuntani ang papilion, didto siya sa tawo nga wala nagasinggitan kag nagamulay sa iya apang ang nangin tikang ni Marcos Jr. ang isa ka pamaagi nga ipakita nga apisar sang ginhimo ni Valderama sa iya sang eleksyon, ginhatag sa gihapon sa iya ang posisyon.
Ang ginalain sang buot sang bise-gobernador amu nga nagapalapta sang istorya si Valderama nga si Ferrer ang nagalobby sa Presidente agud irevoke ang iya appointment.
Suno kay Ferrer, wala ini sang kamatuoran kag siya ang nagapahimunong na kuntani apang bangud nga ginmentionar naman lang ni Valderama ang iya nga pangalan, suno sa bise-gobernador, iya na lamang tuod-tuoron ang akusasyon kag magapangita sang pamaagi agud marevoke ang appointment sini.
Gindugang man sini nga dapat mahuya si Valderama bangud kun may yara siya sang delikadesa, indi sini pagbatunon ang position nga ginhatag sa iya sang persona nga iya ginyawyaw kag ginbuyayaw sang ini ang nagapangampanya.
