Ginapaboran sang bise gobernador sang probinsya sang Negros Occidental ang pag-aprubar ni President Ferdinand “Bongbong” Marcos Jr. sa pag-import sang 300,000 metric tons sang kalamay bangud nagapati ini nga nakita sang presidente nga kinahanglan ang pag-import.
Sa interview sang Bombo Radyo Bacolod kay Vice Governor Jeffrey Ferrer, may yara sang kakulang sa supply sang kalamay gani ang retail price ang nagsaka, gani ang importation ang maayo nga tikang antes pa man magfull blast ang milling season.
Suno kay Ferrer, ginpahibalo ini nga ang sugar importation ang himuon sa staggered basis ukon amat-amat alang kag sa tion nga makita nga may yara na sang nagakaigo nga supply sang kalamay ang pungsod, ini ang untaton man.
Suno diri, ang presidente mismo ang indi maluyag mag-import kun ini ang indi lang man kinahanglan.
Ginpahayag man sini nga luyag sang presidente nga mapasanyog ang sugar mills kag suportahan ang mga sugar planters, dako man kag gamay, agud nga mapasaka ang sugar productivity.
Una naman nga ginpahayag ni Negros Occidental 5th District Representative Dino Yulo nga ang pag-import ang kinahanglan nga matun-an sang maayo agud nga indi na maapektuhan ang domestic millgate prices sa tion nga mag-umpisa na ang milling season.
Kasubong man nga ang manubo nga productivity sang kalamay kag mataas nga production cost ang dapat man nga maaddress.
