Ginpahayag sang gobernador sang probinsya sang Negros Occidental nga wala sang dapat ikabalaka sa sakit nga Monkeypox ukon Mpox kag Glanders disease diri sa probinsya.
Suno kay governor Eugenio Jose ‘Bong’ Lacson, wala sa gihapon sang may narekord nga kumpirmado nga kaso sang nasambit nga mga sakit sa Negros Island.
Ang duha ka pasyente nga gina-obserbahan nga ginalakipan sang isa ka tuig nga bata gikan sa banwa sang Pontevedra nga gindala sa Don Salvador Benedicto Memorial District Hospital sa La Carlota City kag ang bus driver gikan sa Manila nga nagpauli kag gindala sa Tabugon Community Clinic sa Kabankalan City ang lunsay kumpirmado nga negatibo sa Mpox.
Suno kay Lacson, dapat maghalong sa gihapon bangod indi lang man ang Mpox ukon glanders disease ang balatian nga makuha sa palibot.
Mas maayo suno sa gobernador nga magsuksok sang facemask, mangin responsable kag kun may yara sang allergy ukon hilanat man dapat na nga ipacheck -up ang indibidwal.
