Ginpaidalom na sa blue alert status ang probinsya sang Negros Occidental matapos malakip ini sa idalom sang Storm Signal No. 1 bangud kay Bagyo Vicky.
Sa interview sang Bombo Radyo Bacolod kay Provincial Disaster Management Program Division head Dr. Zeaphard Gerhart Caelian, ginpahayag sini nga iya na ginmanduan ang mga local DRRM offices nga I-activate na ang mga volunteers kag disaster responders 24/7.
Ginpahanumdom naman sini nga ipatuman na ang mitigation kag preparedness action sa kada mga DRRMO ilabi na sa mga flood-prone areas.
Samtang, ginkumpirmar naman ni Caelian nga partially operational ang command center sa Panaad Park and Stadium kun sa diin ang monitoring sa bagyo, situational awareness kag sitwasyon sang Bulkan Kanlaon ang ila ginapatigayon lakip na ang emergency services.
