Naghingyo si Negros Oriental Representative Arnie Teves sa liderato sang Kamara nga siya ang pahanugutan para sa duha ka bulan nga leave of absence, sa panindugan nga may-ara sang “very grave threat” sa iya nga kabuhi kag sa iya nga pamilya.
Si Teves nga nalink sa pag-assassinate kay Negros Oriental governor Roel Degamo, ang nagrequest pinaagi sa pagpadala sang sulat nga naka-address kay House Speaker Martin Romualdez.
Sa letter, ginpahayag ni Teves nga siya ang nagahingyo nga mapahanugutan ang duha ka bulan nga leave of absence bilang 3rd district Representative sa Negros Oriental, bangod sa tuman ka dako nga security threat sa iya nga kabuhi kag sa iya nga pamilya, sumugod sang Marso 9, 2023.
Dugang pa sini nga pasalig nga siya ang magabalik sa tion nga masolbar na ang pagpamahog sa idalum sang layi, kag sa bulig sang gobyerno.
Ang letter ang napetsahan Marso 9, kadungan sa adlaw kun sa diin ginpahayag sang House ethics and privileges panel nga si Teves ang may lima lamang ka adlaw agud magpaathag sa padayun sini nga pag-absent sa House proceedings apisar nga nag-expire na ang travel authority nga gin-issue sa iya sa nasambitan nga petsa.
Nahibaluan nga ang travel authority nga ginhatag ni Romualdez kay Teves ang nagacover sa period nga Pebrero 28 tubtob Marso 9, subong nga tuig.
Pahayag ni Coop-NATCCO party-list Representative Felimon Espares, chairperson sa House ethics and privileges panel, nga luyag nila nga makonsiderar ang bahin ni Teves kag mahatagan ini sang oportunidad agud magpaathag.
Pinaagi sini mahibaluan sang publiko nga wala sila nagpatumbaya sa ila nga papel kadungan sa pagkonsiderar sa ila nga colleague.
Dugang pa ni Espares nga ini ang makabulig man agud nga indi maguba kag mapabilin nga intact ang ila nga institusyon.
Samtang, ginpanawagan naman ni Romualdez kay Teves nga ini ang magpauli na kag atubangon ang mga alegasyon sa labing madali nga panahon.
Madumduman nga ginpanginwala ni Teves nga siya ang may kaangtanan sa mga krimen apang ini ang wala na nagpakita sa Pilipinas humalin sang gin-assassinate si Governor Degamo sang Marso 4.
