Ginpasakaan sang pamilya sang biktima kag sang Criminal Investigation and Detection Group sang three counts sang multiple murder sa Department of Justice si 3rd District, Negros Oriental Rep. Arnie Teves nga may kaangtanan sa pagpatay kay anay Negros Oriental provincial board member Miguel Lopez Dungog sadtong 2019.
Suno kay Atty. Levito Baligod, madugay na sang mga ini nga ginadihon ang reklamo kag natabuan lang nga ang pagpasaka sang kaso sa pagpatay man kay the late Negros Oriental governor Roel Degamo.
Samtang may lima ka iban pa ang ginpasakaan sang kaso nga murder.Tatlo ka counts sang murder ang ginpasaka batuk kay Teves kag tatlo man ka kaso kay certain Hannah Mae nga secretary ni Teves.
Ginpasakaan man sang two counts sang murder sanday Richard Cuadra alyas Boy Cuadra, Jasper Tanasan kag Rolando Pinili. Isa naman ka count sang murder ang ginpasaka batok kay Alex Mayagma Lunsay mga residente sang Bayawan City, Negros Oriental.Ang mga witnesses ang mga miyembro man sang assasination team kag nagsecure man ang mga ini sang affidavit.
Suno kay Baligod, suno sa mga complainants yara sa 12 ka kaso sang murder ang gina-angot sa mga ginpasakaan sang kaso.
Imbulbado diri ang isa ka grupo sang assassins nga may tatlo ka miyembro apang dose ang napatay.Gintumod ni Baligod nga biktima sang pagpamatay sanday Miguel Lopez Dungog, anay board member sang 3rd District sang Negros Oriental, Lester Pialgao Bato kag Pacito Retes Libron nga ginpatay sa nagkalain-lain nga lugar sa amo nga probinsya.
Si Dungog ang ginpatay sadtong March 25, 2019 sa atubang sang Silliman Medical Center sa Dumaguete City samtang si Bato ang ginpatay pagsunod nga adlaw sa Barangay Nagbo-alao sa Basay.
Samtang si Libron ang ginpatay naman sadtong June 23, 2019 sa Barangay Malabugas, Bayawan City.
Suno kay Atty. Baligod nga ginpapatay si Dungog bangod nga base sa impormasyon nga nabaton sang kampo ni Teves nga ini ang nagagwa nga matunog nga posible magpadalagan kontra kay Teves santo man sa resulta sa ginpatigayon nga survey.
Gin-athag man ni Atty. Baligod nga wala ini sang kahilabtanan sa kaso naman nga pagpatay kay Governor Roel Degamo.Nagserbe nga complainants sa kaso ang Criminal Investigation and Detection Group sang Philippine National Police kag ang mga pamilya sang biktima.
