Nagpaandam si Negros Oriental 3rd District Rep. Arnulfo Teves sa mga tawo nga nagaplano nga magpasibangod sa ila pamilya angot sa assassination ni Negros Oriental Governor Roel Degamo.
Madumduman nga nagkontrahanay sanday Degamo kag utod sang kongresista nga si Pryde Henry Teves sa May 2022 elections apang wala nadayon ang pagpungko ni Teves bisan siya ang ginproklamar matapos ang eleksyon bangud ang mga boto sang nuisance candidate ang gindugang sang Comelec kay Degamo.
Suno kay Teves, nadelay ang pagpagwa niya sang statement bangud yara ini sa abroad para sa stem cell.
Suno diri, madugay na niya ginakahadlukan ang natabo bangud ginalauman na niya nga siya na naman ang ginapasibangdan.
Suno diri, nahibaluan niya nagikan sa iya nga intel nga plano sang isa ka tawo nga itudlo siya sa natabo kay Degamo.
Apang nagsala ini bangud suno sa iya, madamo siya sang intel nga nagapalab-ot sa iya sang impormasyon.
Panindugan sini, kuntani sang eleksyon pa niya ginhimo ini kun siya ang may plano kag may kapasidad nga magpa-assassinate.
Suno kay Teves, indi magbenepisyo ang ila pamilya kun mapatay si Degamo bangud lain man ang bise gobernador.
Bangud sini, nag-apela si Teves kay President Ferdinand ‘Bongbong’ Marcos Jr. nga hambalan ang iya mga tinawo nga ibalik na ang iya nga mga lisensya sang iya mga armas para sa proteksyon sang iya nga pamilya.
Suno diri, isurrender niya ang mga armas nga nabilin sa Negros Oriental kun magbalik ini nagikan sa abroad kag iya nga igasurrender santo sa layi.
Suno kay Teves, partial lang ang nasurrender niya nga mga armas sang ginrevoke sang Firearms and Explosives Office ang mga lisensya sang mga armas.
