Preparado na ang Negros Oriental Police Provincial Office (NORPPO) sa pagdeploy sang mga police personnel pananglitan nga magsaka sa alert level 4 ang status sang bulkan Kanlaon.
Sa interview sang Bombo Radyo kay NORPPO Spokesperson Police Lt. Stephen Polinar, nagasunod sila sa instruction sang provincial government kag Disaster Risk Reduction & Management Council (DRRMC) sa posibilidad nga liwat nga paglupok sang bulkan.
Suno diri, kun mag-erupt gid man ang bulkan, mahimo nga i-evacuate ang bilog nga ciudad sang Canlaon.
Igadeploy man ang mga na-train para sa search and rescue kag yara man ang kapulisan kag Provincial Disaster Risk Reduction Management Council (PDRRMC).
Sa tion naman nga kulangon ang kapulisan, mahimo nga may i-augment ang Negros Occidental Police Provincial Office (NOCPPO) nga mga personnel.
