Ginpahayag sang Engr Leomel Tambanillo, Assistant Vice President for Management and Business Operations sang Negros Power nga ang gintutukan sang mga ini una sa pag-energized amo ang yara sa front line.
Sa interview sang Bombo Radyo Bacolod kay Engr Leomel Tambanillo, 15 percent palang ukon 67,000 sa 250,000 ka mga konsumidor ang nabalik ang supply sang kuryente.
Suno kay Tambanillo nga lapta man ang mga lugar nga na-energized na kag pila diri ang linya nga yara sa bahin sang Estefania.
Samtang may yara man sang na-energized sa Murcia Feeders, Alijis Feeders kag Reclamation Feeders.
Dugang pa nga na-energized ang sa bahin sang Talisay Feeders.
Suno diri, indi pa gid man madamo ang na-energized apang gina-amat amat lamang sang restoration team kag 24/7 naman nga nagatrabaho agud nga mabalik ang supply sang kuryente sa mga apektado nga lugar.
Kagab-i ila nga gintrabaho ang linya sang Barangay Cabug, Handumanan, Felisa kag portion sang Mansilingan.
Suno kay Tambanillo ang ginasunod nila sa pag-restore amo ang mga main feeder lines.
Dugang pa sini nga sa portion sang Alijis Feeders nga na-energized na umpisahan na nila ang pagload sang kuryente sa mga lateral lines.
Sa karun padayon nga nagatrabaho ang restoration team kag padayon man nga nagapangayo sang pagpahangop ang Negros Power bangud sa nagluntad nga power interuption.
